خطيبة المذيع “عمرو سمير” تفجر مفاجأة من العيار الثقيل عنه

خطيبة المذيع “عمرو سمير” تفجر مفاجأة من العيار الثقيل عنه

جوجل بلس

ذكرت خطيبة الفنان المصري الراحل “عمرو سمير” أنها تعيش حالة صعبة جدا بعد فراق خطيبها، وهي حزينة جداً علي فراقه، وكشفت عبر حسابها الشخصي عبر موقع التواصل الاجتماعي الفيس بك عن العديد من المواقف التي جمهتا مع خطيبها الراحل عمرو سمير.

وعن ما كتبته عبر حسابها قائله:”فيه ناس كتير مكانتش بتستوعب أو بتبلع صداقتي أنا وعمرو لمجرد إقتناعهم إن ماينفعش اتنين كانوا مخطوبين يبقوا أصحاب بعد كده، بس أنا بحمد ربنا إننا عرفنا نبقى كده، وبحمد ربنا إننا في الشهرين اللي فاتوا كنا قريبين أكتر من أي فترة في صداقتنا، كانت صداقة ليها شكل خاص جدًا إحنا بس اللي فاهمينه”.

وتابعت قائله: “رمضان اللي فات كنت بحكيله إني مش عارفة أقرأ قرآن بشكل كاف بسبب التصوير، قعد تقريبًا رمضان كله يشجعني إني أقرأ ويفكرني كل شوية، أو يصورلي صورة من الجزء اللي هو فيه ويبعتهالي عشان يغيظني ويحمسني”.

وأضافت خطيبة الفنان عمرو سمير قائله: “ليلة ٢٧ كلمني مكالمة طويلة أوي وهزرنا كتير واتفقنا على حاجات نعملها بعد العيد، وبعدها بدأنا نتكلم عن ربنا وقعد يتكلم عن قد إيه بيحبه أوي وبيزعل لو زعله ونفسه دايمًا يعمل مجهودا عشان يقرب منه.. وقعد يشجعني ويدعمني في حاجات ليها علاقة بكلامنا كان عارف إنها مضايقاني.. وفي آخر المكالمة قال لي “أنا عارف إنك زعلانة عشان مش هتعرفي تصلي التهجد وأنتِ في التصوير بس أنا هدعيلك وأنا بصليها، وأنتِ برضه اقعدي ادعي وسبحي لحد الفجر”، وبعد الصلاة كلمني وقال لي: “داعيتلك كتير أوي”.

وأوضحت في حديثها قائله: “على قد ما قربنا أكتر مؤخرًا واجع قلبي دلوقتي، على قد ما هو باسطني عشان مرتاحة إن ماحدش فينا شايل ذرة ضيق من التاني في أي حاجة.. وعشان بحكم مكالماتنا ومسدجاتنا الكتير في رمضان عارفة إنه بإذن الله صامه وقامه إيمانًا واحتسابًا وتقريبًا مافوتش ولا فرصة عبادة وبإذن الله ربنا هيتقبله وده مخليني مطمنة شوية.. وعشان اتكلمنا في حاجات كتير أوي وشوفت قد إيه متغير في حاجات كتير لما كنا بنفتكرها دلوقتي كنا بنقعد نضحك عليها.. وشوفت قد إيه بقى دايمًا حريص إنه مايجيبش سيرة “أي” مخلوق بطريقة وحشة ولا يحكم عليه.. حاجات كتير اتغيرت في عمرو إلا ٣ حاجات “حبه لربنا، بره لأمه اللي تقريبًا عمري في حياتي ما شوفت زيه، طيبة قلبه”.

وجاء في آخر حديثها قائله: “قلبي فعلًا واجعني.. واجعني إن الناس تعزيني فيه، واجعني إني بدعيله النوع ده من الدعاء، واجعني إن معجباته اللي كانوا يعرفوني زماااااان يكلموني بيعيطوا، واجعني إننا مستحيل نتكلم تاني، وواجعني أوي على مامته، وهفتقدك أوي يا عمرو وهفتقد هزارنا وكلامنا وهفتقد جدًا جدااااا علاقتنا المختلفة اللي بيتهيألي مستحيل يبقى عندي زيها تاني أبدًا”.

ويذكر أن الفنان والمذيع المصري عمرو سمير كان قد توفي في إسبانيا مساء يوم الخميس الماضي، وذلك إثر أزمة قلبية حادة، متوفيه على إثرها علي الفور.

رابط مختصر :